Cənubi Qafqazda konfliktlərdən üç nəsil əziyyət çəkib. Abxaziya, Cənubi Osetiya və Dağlıq Qarabağ ilə bağlı münaqişə son 30 ildə Azərbaycan, Ermənistan və Gürcüstanda yüz minlərlə insanı öz evindən didərgin salıb. Bu konfliktlərin hər biri özünəməxsus faciələrlə xarakterizə olunduğu kimi, hər üç ölkədə məcburi köçkünlərin yaşayışı yerli siyasət, mədəniyyət və cəmiyyət tərəfindən formalaşdırılıb. Bu layihə köçkünlük məfhumuna dair hekayələri - evlərini tərk etməli olanların taleyini və onları qəbul edən hökumətlərin, şəhərlərin və kəndlərin cavabını araşdırır.

Qeyd: Bu layihədə Abxaziya, Cənubi Osetiya və Dağlıq Qarabağ barəsində “de-fakto”, “tanınmamış” və ya “qismən tanınmış” kimi terminlərdən istifadə olunmayıb. Bu, sözügedən ərazilərin statusu ilə bağlı ChaiKhana Medianın mövqeyini ifadə etmir.